إحنا أصلاََ مش هنرتاح غير في الجنّة!!
هتخَلّص دراستك فيه شغل لازم تسعى له.. إشتغلت؟ طب مش ناوي تكمل نص دينك و تقتدي بسنة نبيك و تتجوز؟ ;) إتجوّزت؟ طب زمانك مستني ربنا يرزقك الذرية الصالحة إللي تربيها على دينه و سُنة نبيه، هتعافر و تنحت في الصخر و تعمل المستحيل علشان تحميهم من كل الآفات إللي في المجتمع حواليهم لحد ما يجي ابن/بنت الحلال إللي ي/تكمل إللي أنت بدأته و يعينها/تعينه على طاعة ربنا و يحاربوا كل الفتن حواليهم، و يجيبوا لك أحفاد ♥
هتموت!! يا ترى قبري هيبقى روضه من رياض الجنة و لا حفرة من حفر النار لا قدّر اللّه؟!.. يوم البَعث.. نفخ الصور.. يوم يفر المرء من أخيه و أمه و أبيه!! :/
هكون من إللي اتقال فيهم : وجوه يومئذ مسفرة ضاحكة مستبشرة ولا وجوه يومئذ عليها غبرة ترهقها قترة :/ ؟!!
وساعتها هاخد كتابي بالشمال و أندم ندم أبدي على كل حاجة عملتها في دنيتي، و هقول يا ريتني حتى ماشفت الكتاب!! و لجهنم أعاذنا الله منها جميعا؟!!
ولا هاخد كتابي باليمين و أبقى كده خلاص إرتحت و حققت الهدف إللي كنت موجود في الدنيا علشانه، هعيش الجنة وسط الجناين و الشجر و أنهار اللبن و العسل، مع النبي ♥ و الصحابة و أمهات المؤمنين... مع الناس إللي كنت بتحبهم في الدنيا بس الموت فرّق بينكم، مع الشهداء، هنلبس حرير و ذهب و لولو و هيبقى كل حاجة لونها أخضر :D مش كل حاجة قوي يعني ت
هنشرب خمر.. هنعيش في بيوت شفافه و هيبقى لينا جنينه بتاعتنا و بس.. هنركب عَجّل براحتنا من غير ماحد يضايقنا ;)... هنعمل كل حاجة منعنا نفسنا عنها في الدنيا علشان ربنا مايزعلش مِننا فبيراضينا دلوقتي ♥ هنا... في الجنة... هنرتاح الراحة الأبدية إللي مافيش بعدها تعب خلاص :
(وَنَزَعْنَا مَا فِي صُدُورِهِمْ مِنْ غِلٍّ تَجْرِي مِنْ تَحْتِهِمُ الْأَنْهَارُ ۖ وَقَالُوا الْحَمْدُ لِلَّهِ الَّذِي هَدَانَا لِهَٰذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ ۖ لَقَدْ جَاءَتْ رُسُلُ رَبِّنَا بِالْحَقِّ ۖ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ) [سورة اﻷعراف : 43]
حياتنا بجد مش هنا ت ت
No comments:
Post a Comment