أنا ضد أي واحد بيقول إن البلد دي خلاص مفيش أمل تتعدل، لأ على فكرة في أمل وكبيير قوي كمان، عارف ليه؟؟ علشان من كام سنة مثلاً كان عدد المشاريع والأعمال التطوعية إللي في مصر كلها يتْعَد على الصوابع، وكل سنة كان ده العدد بيزيد، لحد ما بقت فكرة الإيجابية والتطوع منتشرة في البلد دلوقتي -نسبياً على الأقل بين الشباب والبنات بتوع الجيل ده-.
وعلى فكرة أنا شايفة لولا الحاجات إللي من النوع ده مكنتش حصلت ثورة في المقام الأول، إنتشار القامات الفكرية الإيجابية مثل د/إبراهيم الفقي رَحِمَهُ الله مثلاً و جمعية زي رسالة و وجود مكان زي ساقية الصاوي، و كل حاجة على غرار الناس والكيانات دي برأيي كان لازم نروح للطريق إللي وصلنا ليه، وإن كنا أحياناً نضل الطريق ونقد وجهتنا بشكل أو بآخر،بس واثقة بعون الله بوجود شباب وبنات زي ‘للي شفتهم في رسالة وفي الساقية و في الورشة ولترضى وفي حملة د/أبو الفتوح الرئاسية ومن بعدها حزب مصر القوية إنه دايماً في أمَّل.
كل ده بيخليني مفقدش الأمل، لما بلاقي شباب وبنات بيقرأوا صح وعارفين كتيرعن حاجات كتير بنبسط وبشوف أمل، لما بلاقي ناس عاوزة تخليك مبسوط وهي متعرفكش بلاقي الأمل، لما بلاقي شباب وبنات عاوزين يعرفوا إيه الأساليب الأفضل في التربية علشان لما ربنا يرزقهم بإذنه بالذرية الصالحة يعرفوا يطلَّعوا أولاد وبنات أسوياء و ملتزميين بلاقي أمل، لما بلاقي شباب وبنات قدي واصغر عاوزين يعرفوا دينهم صح مع إن المعتقد السائد لحد قريب إن إللي عدى الخمسين هو إللي بيفكر في إنه يعمل عُمرة أويحج وإنه يدرس العلوم الشرعية، لما بشوف ده بلاقي أمل، لما بلاقي نوعية الموسيقى والأغاني إللي بيسمعها شباب وبنات كتير دلوقتي مش.... بتتكلم عن الحب والغرام والفراق والكلام إللي مش جايب همه ده وبيسمعوا حاجة تديهم دفعة وإيجابية وتقويهم بلاقي أمل.
وفي حاجات تانية كتيييير بشوفها وبسمعها بلاقي منها إنه فيه أكيد أكيد أمل.... بإذن الله ت
وفي حاجات تانية كتيييير بشوفها وبسمعها بلاقي منها إنه فيه أكيد أكيد أمل.... بإذن الله ت
لسه برضه ما فيهاش أمل؟؟!! ت ت
No comments:
Post a Comment